2021-жылдын 29-апрелинде "Кыргызаэронавигация" мамлекеттик ишканасынын базасында, "Манас" эл аралык аэропортунун учуп-конуу тилкесинде Коопсуздук тобунун экинчи, пландалган жыйыны болуп өттү. Топтун ишинин максаты – “Манас” аэропортунун учуп-конуу тилкесинде иштөө учурунда коркунучтуу факторлордун санын азайтуу. Жыйынга Кыргыз Республикасынын жарандык авиация органынын, аэродромду эксплуатациялоо кызматынын өкүлдөрү, аэронавигациялык кызмат көрсөтүүчүлөрдүн жана авиакомпаниялардын өкүлдөрү катышты. Ишканаларды жазгы-жайкы мезгилине даярдоонун жыйынтыктары, жаз-жай мезгилиндеги орнитологиялык өзгөчөлүктөр, ишканалардын жаз-жай мезгилине карата пландары, өткөн мезгилдеги эскертүүлөр жана маселелер талкууланды. Жолугушуу тараптардын конструктивдүү диалогунда өттү.
 |
 |
 |
 |
